Мило ни е што ја посетивте нашата страна.
Ова е нашата виртуелна соба, каде што ги договараме патувањата, ги организираме активностите, споделуваме идеи.
ЖЕНСКИ АВТОБУС е група составена од жени, кои имаат една и единствена цел – преку дружба и патувања да се опуштат и да ги заборават секојдневните женски обврски!
Идеата за групата е резултат од работилниците за Баланс помеѓу работата и животот, во рамките на "Црвениот Проект" на Зонта Клубот Скопје.
Вие природно припаѓате на оваа група ако:
- Сакате патувања
- Сакате да запознаете нови средини, култури, обичаи, пријателки
- Места (локации) каде што никогаш не сте биле
- Сакате да се дружите
- Сакате да се смеете, да разговарате
- Да знаете да кажете, ама и да чуете
- Да ги размените емоциите, но при тоа да не мерите
- Осамени сте и ви треба друштво
- Преоптоварени сте на работа, и ви треба забава
- Ви треба полнење, а не празнење на батериите
- Шопинг од задоволство, а не за смирување на нервите
Со себе понесете ја само својата насмевка, желбите и авантуристичкиот дух. Ние ќе се погрижиме да се вратите весели и позитивни.
Светот е огромно место. Зошто да не видите барем мал дел од него?
Ви нудиме барем по четири патувања годишно. Ќе се фокусираме на истражување, откривање на нови вкусови на храната, вино, релаксација, авантура и се’ друго што ќе посакате. Ќе организираме дневни тури, викенд екскурзии, вечеринки и забави кои не се прераскажуваат, кои мора да се доживеат, ќе направиме куп слики. Ќе ги збогатиме спомените.
Домот нема да отиде никаде, но ние заминуваме.
Затоа, пасошите в рака, и придружете ни се.
Се гледаме на следното патување.
