ВИНСКА АВАНТУРА

Fri, 11 Nov 2011 09:32:21 +0100

За почеток, за запознавање, опуштање, релаксација и дружба, нашето прво патување е поврзано со ВИНОТО.

Женско саботно ДРУЖЕЊЕ, многу смеа, одбрано вино, одлична храна и многу муабет за НАС САМИТЕ!

Со себе понесете ја само својата насмевка, желбите и авантуристичкиот дух. Ние ќе се погрижиме да се вратите весели и позитивни.

Домот нема да отиде никаде, но ние заминуваме.

Се гледаме во сабота, на 26 ноември 2011.

Цена: 1850 мкд.
Цената вклучува: превоз со Женскиот Автобус, дегустација на 7 сорти вино, ручек, и изненадувања.

Бројот на места е ограничен.

За почеток

Sat, 15 Oct 2011 20:57:22 +0100

Денот на Мрмотот

Понекогаш животот ни изгледа како да сме се нашле во филмот – Денот на мрмотот. Се сеќавате?

Секој ден исто, будење, кафе, работа, маркет, дома, …..кафе, пријатели, ТВ. . .и се така. Понекогаш сакам да викнам СТОП….а што е поентата? Која е суштината на животот? Која е поуката од целава приказна?

Сите се чувствуваме така.

Треба да направиме напор да го зумираме нашиот живот, а потоа да излеземе од него, и да се обидеме да го посматраме однадвор. Да направиме една микроинспекција, а потоа да ја погледнеме целата слика.

Животот се претвора во рутина. Повторувањето на секојдневието не затвора. Но, животот од нас бара одредени повторувања за да може да живееме.

Ајде да се разбудиме. Ајде да го живееме животот. Да ги осетиме малите моменти во текот на денот за кои што всушност живееме (како, на пример, кога ќе му ја помирисам косата на моето дете кога ме прегрнува). Тогаш микрозумирам. Затоа што, ако останам некаде подалеку, ќе ми избега целата поента. Знам дека има денови во кои сум само автоматски пилот. Едноставно одам низ движењата,

Не е се така сиво. Само треба да вежбаме како да ги препознаваме боите. Тие моменти всушност го прават нашето виножито кое може силно да свети во нас самите. Тоа ја оправдува целта на постоењето. На крајот на краиштата, сите ние во текот на денот често пати менуваме брзина. А кој би сакал да остане заглавен помеѓу сите “морам да. . . “ во животот? Можеби тие “морам да…. “ се школо што не тестира и не учи.

Само треба да си го поврземе умот со физичките движења.

блог

ВИНСКА АВАНТУРА

За почеток